Ողջ աշխարհում կորոնավիրուսով վարակման ավելի քան 677 000 դեպք է արձանագրվել վերջին մեկ օրում


00:42 , 16 մայիս, 2021
Ողջ աշխարհում կորոնավիրուսով վարակման հաստատված դեպքերի թիվը գերազանցել է 161.5 մլն-ը՝ վերջին մեկ օրում ավելանալով 677 387-ով: Այս մասին հայտնում է ՏԱՍՍ գործակալությունը՝ ներկայացնելով Առողջապահության համաշխարհային կազմակերպության տվյալները:

ԱՀԿ տվյալներով՝ վերջին մեկ օրում կորոնավիրուսից մահացության 12 936 դեպք է գրանցվել՝ ընդհանուր ցուցանիշը հասցնելով 3 352 109-ի: ԱՀԿ վիճակագրությունը հիմնվում է երկրներից ստացված պաշտոնական տեղեկությունների վրա:

Վերջին 24 ժամում արձանագրված վարակման դեպքերի կեսից ավելին բաժին է ընկել Հարավարևելյան Ասիային (345 180), որում ընդգրկված է նաև Հնդկաստանը: Երկրորդ տեղում է Հյուսիսային և Հարավային Ամերիկան (203 174), երրորդում՝ Եվրոպան (81 624):