Արցախի Մարտունի քաղաքի բնակիչն իր վարած «Subaru» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջվել. նա հոսպիտալացվել է, առողջական վիճակը ծանր է
18:11 , 15 մայիս, 2021Երեկ՝ մայիսի 14-ին, ԱՀ ՆԳ նախարարության ոստիկանության Մարտունու շրջանային բաժնի հերթապահ մասում, միաժամանակ 911 ահազանգման կենտրոնում հաղորդում է ստացվել Մարտունի-Ստեփանակերտ ավտոճանապարհի 3-րդ կմ-ին տեղի ունեցած ճանապարհատրանսպորտային պատահարի մասին: Այս մասին տեղեկացնում է Արցախի ԱԻՊԾ-ն:
Օգնություն ցուցաբերելու նպատակով կանչի վայր են մեկնել ՃՈ ծառայողները և Մարտունու փրկարարները:
Պարզվել է, որ Մարտունի քաղաքի բնակիչ Ա.Հ.-ն իր վարած «Subaru» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջվել:
ՆԳՆ ծառայողներն առաջին օգնություն են ցուցաբերել տուժածին և շտապ բժշկական օգնության մեքենայով տեղափոխել Ստեփանակերտի հանրապետական բժշկական կենտրոն:
Ըստ բժիշկներից ստացված տեղեկության՝ Ա.Հ.-ի առողջական վիճակը ծանր է:
Փրկարարները հոսանքազրկել են ավտոմեքենան և փակել գազի բալոնի փականը: