Հայաստանի դպրոցներում կթույլատրե՞ն «Վերջին զանգ» անցկացնել. ԿԳՄՍ փոխնախարարի պարզաբանումը
14:34 , 10 մայիս, 2021News.am-ը գրում է.
«Վերջին զանգի» անցկացման արգելք նախատեսված չէ: Այս մասին մայիսի 10-ին լրագրողների հետ հանդիպման ժամանակ ասաց Հայաստանի կրթության, գիտության, մշակույթի եւ սպորտի փոխնախարար Ժաննա Անդրեասյանը:
Սակայն, ինչպես նա պարզաբանեց, հաշվի առնելով երկրում առկա համաճարակային իրավիճակը, դպրոցներին շրջաբերականներ են ուղարկվել սահմանափակ թվով մասնակիցներով բացօթյա միջոցառումների կազմակերպման եւ հակահամաճարակային բոլոր միջոցառումների պահպանման անհրաժեշտության մասին:
«Մենք նաեւ կոչ ենք անում զերծ մնալ գումար հավաքելուց»,- հավելեց փոխնախարարը: