ԱԺ նախագահն իր անհամաձայնությունը կամ դժգոհությունն էր հայտնում․ Արման Թաթոյանը՝ իր ելույթից հետո դահլիճում Արարատ Միրզոյանի հետ խոսակցության մասին
00:35 , 9 մայիս, 2021Tert.am-ը գրում է․
ՀՀ Մարդու իրավունքների պաշտպան Արման Թաթոյանը Հանրային հեռուստաընկերության եթերում անդրադարձավ ԱԺ-ում տեղի ունեցած միջադեպին, երբ «Իմ քայլը» խմբակցության անունից ելույթ ունեցող Մարիա Կարապետյանի քննադատությանը Թաթոյանի արձագանքից հետո ԱԺ նախագահ Արարատ Միրզոյանը դահլիճում ՄԻՊ-ի հետ պարզաբանել էր հարցը։
«Ցանկություն չունեմ անդրադառնալու, ԱԺ նախագահը իր անհամաձայնությունը կամ դժգոհությունն էր հայտնում, և ես ասեցի, որ անհատ պատգամավորների խոսքը և այլն ամբողջը կախված էր վերջին՝ խմբակցության անունից ելույթից։ Ստացվում էր, որ դրական ապահովելու շղարշը կար, բայց քաղաքական իշխանության իրական դիրքորոշումը բոլորովին այլ է»,-ասաց նա։
Արման Թաթոյանն ընդգծեց՝ ոչ ոք չի կարող ասել, թե բոլորը ՄԻՊ-ին գովում էին, բայց ինքը քննադատեց․ «Ես չեմ աշխատում, որ ինչ-որ մեկն ինձ գովա կամ չգովա»։
Ամբողջական հոդվածը կարող եք կարդալ այստեղ