Մենդին գովեստի խոսքեր է ասել Վերների և Հավերցի հասցեին
00:16 , 4 մայիս, 2021Armsport.am-ը գրում է․
«Չելսիի» դարպասապահ Էդուարդ Մենդին վստահություն է հայտնել, որ հարձակվող Տիմո Վերները և կիսապաշտպան Կեյ Հավերցը շուտով կգտնեն իրենց խաղը «կապտանռնագույնների» կազմում:
«Նրանք շատ լավ խաղացողներ են: Երիտասարդ են, և առաջին անգամ տեղափոխվել են այլ երկիր: Կարծում եմ, որ նրանցից մի քանի ամիս պահանջվեց, որպեսզի սովորեն և հասկանան Պրեմիեր լիգան, բայց ես նրանց ամեն օր տեսնում եմ և գիտեմ, թե որքան լավն են նրանք:
Հաջորդ մրցաշրջանում ես համոզված եմ, որ Տիմոն և Կայը շատ ավելի լավ են խաղալու: Նույնիսկ այս տարի մենք տեսնում ենք նրանց լավ ցուցանիշները, և մեզ համար նրանք շատ կարևոր են»,-ասել է Մենդին:
Հիշեցնենք, որ ՉԼ կիսաեզրափակչի պատասխան խաղում լոնդոնյան թիմը մրցելու է «Ռեալի» հետ: Առաջին խաղում թիմերը փոխանակել էին մեկական գնդակ: