Թուրքիան ցանկանում է Հայաստանին վերջնականապես տնտեսական կախվածության մեջ գցել, ինչպես վարվում է Վրաստանի տարածքում. Աշոտ Մելքոնյան


19:28 , 25 ապրիլ, 2021

Tert.am-ը գրում է.

Թուրքերը ոչնչով չեն փոխվել, նրանք խոսում են մեզ հետ կայսերական մոտեցմամբ և պարտադրանքի լեզվով և այդ պայմաններում ակնկալել հայ- թուրքական հարաբերությունների նորմալացում՝ համարում եմ առնվազն քաղաքական միամտություն. Tert.am- հետ զրույցում խոսելով հայ- թուրքական հարաբերություններում շտկումներ մտցնելու մասին ասաց ՀՀ ԳԱԱ Պատմության ինստիտուտի տնօրեն Աշոտ Մելքոնյանը:

«Թշնամական հարաբերություններ պահպանող երկիրը բացառվում է, որ իր տնտեսական քաղաքականությունը ծառայեցնի քո տնտեսական զարգացման ու բարգավաճման համար, ընդհակառակը՝ ամեն ինչ կանի, որ գցի կախվածության մեջ: Ադրբեջանի և Թուրքիայի միջև ոչ բարով միջանցքը, որ Մեղրիի տարածքով կամ Սյունիքի մեկ այլ տարածքով պետք է անցնի, մեզ համար կլինի աղետալի՝ և՛ Թուրքիայից, և՛ Ադրբեջանից տնտեսական կախվածությունը կդառնա անտանելի: Թուրքիան ցանկանում է Հայաստանին վերջնականապես տնտեսական կախվածության մեջ գցել, ինչպես վարվում է Վրաստանի տարածքում: Հայաստանի տարածքում նրանք ցանկանում են ստեղծել ազատ տնտեսական գործունեություն, շինարարություն, բիզնեսի վերահսկողություն, ճանապարհների վերահսկողություն և այլ ոլորտներում»,- ընդգծեց պատմաբանը:

Ամբողջական հոդվածը կարող եք կարդալ այստեղ