Ոստիկանները փորձել են ուժ գործադրել գերեվարված զինծառայողների հարազատների նկատմամբ ու «հրել-ջարդելով» բացել մարզպետարանի մուտքերը
19:38 , 13 ապրիլ, 2021Pastinfo.am-ը գրում է.
Շիրակի մարզպետարանի աշխատակիցներից մեկը ոստիկաններից պահանջել է «հրել-ջարդելով բացել կառուցի մուտքերը», որոնք ամբողջ աշխատանքային օրը փակ էին պահում Խծաբերդում գերեվարված պահեստազորայինների հարազատները։
«Ուզում էին մեզ հանեին դուրս, բաց չստացվեց»,- «Փաստինֆո»-ին հայտնեց վրդովված հարազատներից մեկը։
Ավելի վաղ հայտնել էինք, որ Շիրակից գերեվարված զինծառայողների հարազատները փակել են Շիրակի մարզպետարանի մուտքերն ու ելքերը` նշելով, որ այն չի բացվի՝ մինչև վարչապետը կամ պաշտպանության նախարարը չգան հանդիպման հենց Գյումրիում։
Մարզպետարանի շենքի մուտքը փակ էր շենքի ներսից և աշխատակիցներին թույլ չեն տալիս ելումուտ իրականացնել: