Թուրքիան Իտալիայի վարչապետ Դրագիի հայտարարություններից հետո սառեցրել է երկրից 83 մլն դոլարով ուղղաթիռների գնման գործարքը․ la Repubblica
14:58 , 11 ապրիլ, 2021Tert.am-ը գրում է.
Թուրքիայի և Իտալիայի միջև դիվանագիտական սկանդալի ֆոնին Թուրքիան դադարեցրել է իտալական Leonardo ընկերությունից 70 մլն եվրոյով (83 մլն դոլար) ուղղաթիռների գնման գործարքը, գրում է la Repubblica հրատարակությունը՝ հիշեցնելով, որ սկանդալի պատճառը Իտալիայի վարչապետ Մարիո Դրագիի՝ Թուրքիայի նախագահ Ռեջեփ Թայիփ Էրդողանի հասցեին օրերս հնչեցրած խոսքերն են։
Թերթի տեղեկություններով՝ թուրքական իշխանություններն Իտալիայի կառավարությունից պաշտոնական ներողություն են պահանջում և չեն պատրաստվում հարաբերությունները բավարարվել դիվանագիտական խողովակներով հասցված պարզաբանումներով։
«Թուրքիայի իշխանությունները սկսել են սպառնալից ազդակներ փոխանցել»,- ասվում է la Repubblica-ի հոդվածում:
Նշվում է, որ այս պահին սառեցվել է ուսումնական ուղղաթիռների գնման 70 մլն եվրոյի գործարքը, որը պետք է ստորագրվեր առաջիկա օրերին։ Նաև նախազգուշացումներ են ստացել երեք այլ իտալական ընկերություններ, որոնց թվում է Թուրքիայում էլեկտրակայաններ կառուցող խոշոր էներգետիկ Ansaldo Energia-ը:
Ամբողջական հոդվածը կարող եք կարդալ այստեղ