«Չենք լռելու, չենք համակերպվելու, չենք արտագաղթելու». «ՎԵՏՕ» շարժման կանանց պայքարը շարունակվելու է


19:45 , 7 ապրիլ, 2021

Կառավարության մոտից այսօր բերման ենթարկված կանայք ասուլիս էին հրավիրել:

«ՎԵՏՕ» շարժման անդամ Աննա Հակոբյանը տեղեկացրեց, որ իրենց ակցիաները շարունակվելու են:

«Չենք պատրաստվում շարժվել թուրքերի օրակարգով: Այլընտրանքն արտագաղթն է, բայց չենք լռելու, չենք համակերպվելու, չենք արտագաղթելու: Պայքարը լինելու է շարունակական: Վերջնանպատակը թուրքերին երկրից դուրս վռնդելն է», - ասաց Հակոբյանը:

Կանայք տեղեկացրեցին, որ ոստիկանական բաժիններից բոլոր բերման ենթարկվածներն ազատ են արձակվել: Իսկ ոստիկանների բռնի ուժի գործադրման հետևանքով, ասացին, որ գրեթե բոլորը կապտուկներ են ստացել: