Մեր երկրում կա մեկ սադրիչ՝ Նիկոլ Փաշինյանն է. Իշխան Սաղաթելյան
16:42 , 3 մարտ, 2021Panorama.am-ը գրում է.
Մեր կողմից սադրանքներ չեն եղել ու չեն լինելու: Մեր երկրում կա մեկ սադրիչ, որը որոշ ժամանակ անց գալու է այս շենք՝ Ազգային ժողով, Նիկոլ Փաշինյանն է»,- ԱԺ դիմաց լրագրողներին ասաց ՀՅԴ ԳՄ ներկայացուցիչ, Հայրենիքի փրկության շարժման համակագող Իշխան Սաղաթելյանը՝ պատասխանելով հարցին, թե ոստիկանական մեծ ուժեր են կենտրոնացած ԱԺ շուրջ, տեղադրված են լուսաձայնային նռնակներ, դիպուկահարներ են աշխատում, ինչի՞ համար է արվում այս ամենը:
Նա նշեց, որ այդ մարդու Հայաստանում տեղաշարժը ոստիկանական զորքերով է տեղի ունենում, այլընտրանք չունի, քանի որ իր գործունեության արդյունքում հասել է այնտեղ, որ մեր երկրում կարող է քայլել միայն մեծաքանակ զորքերով:
«Լուսաձայնային նռակներ ու այս ամեն ինչը վկայում է այդ մասին»,- ասաց Ի. Սաղաթելյանը:
Նա ընդգծեց՝ ամբողջ իրավիճակի և հետևանքների պատասխանատուն Փաշինյանն է ու սադրիչն ինքն է:
«Մենք սադրանքների չենք գնալու, մեզ համար սա ազգային քաղաքական պայքար է և այդ ճանապարհով փորձելու ենք հարցը հասցնել ավարտին»,- ասաց Իշխան Սաղաթելյանը:
Ամբողջական հոդվածը կարող եք կարդալ այստեղ: