Ադրբեջանը գերիների փոխանակման հարցում հանդես է գալիս «բոլորը բոլորի դիմաց» սկզբունքի օգտին․ ՌԻԱ Նովոստի
18:49 , 1 դեկտեմբեր, 2020Factor.am-ը գրում է.
Ադրբեջանը գերիների փոխանակման հարցում հանդես է գալիս «բոլորը բոլորի դիմաց» սկզբունքի օգտին։ Նման հայտարարություն է տարածել Ադրբեջանի գերիների ու անհետ կորածների հարցերով պետական հանձնաժողովը, գրում է ՌԻԱ Նովոստին:
«Ադրբեջանի Հանրապետությունը հավատարիմ է բոլոր գերիների և պատանդների փոխանակման՝ «բոլորը բոլորի դիմաց» սկզբունքին»,- ասված է հանձնաժողովի տարածած հաղորդագրության մեջ:
Հանձնաժողովից նաև հայտարարել են, թե «սոցիալական ցանցերի հայկական տիրույթում տարածվում են տեղեկություններ այն մասին, որ Ադրբեջանի Հանրապետության հաղթանակի կապակցությամբ զորահանդեսի ժամանակ ցույց են տալու հայ գերիներին, և որ նրանց նկատմամբ անմարդկային վերաբերմունք է ցուցաբերվում»՝ դրանք «կեղծ» որակելով: Տաթև Ֆռանգյան