Արցախում հաստատվել է կորոնավիրուսով վարակման 1 նոր դեպք․ վարակակիրը Ստեփանակերտից է

12:05 , 28 օգոստոս, 2020
Արցախում հաստատվել է կորոնավիրուսային վարակի (COVID-19) 1 նոր դեպք: Վարակակիրը Ստեփանակերտ քաղաքից է: Վարակի օջախը հայտնաբերելու և հիվանդի շփման շրջանակը պարզելու ուղղությամբ կատարվում են համապատասխան աշխատանքներ: Այս մասին ասված է Արցախ/Տեղեկատվական շտաբում հրապարակված հաղորդագրության մեջ։

«Առայսօր, նոր կորոնավիրուսային հիվանդությունը հաստատվել է 275 մարդու մոտ, որից 252-ը հաղթահարել է հիվանդությունը:

Փաստացի բուժում է ստանում 21, ընդհանուր մեկուսացված է 42 քաղաքացի: Բժիշկները 1 հիվանդի առողջական վիճակը գնահատում են ծանր, 1-ինը՝ միջին ծանրության:

Թեստավորումների նպատակով 172 նմուշառում է իրականացվել: Մինչ այսօր կատարվել է 9798 փորձանմուշի հետազոտություն»,- ասված է հաղորդագրության մեջ: