Մոսկվան փաստացի հասկացնում է, որ մերժում է Արցախը բանակցային գործընթաց վերադարձնելու պաշտոնական Երևանի պնդումը

14:08 , 27 օգոստոս, 2020
«Մենք, ցավոք սրտի, տեսել ենք բանակցողների կազմը փոխելու փորձեր, ինչը համանախագահների համար անընդունելի է», - երեկ՝ Ադրբեջանի ԱԳ նախարարի հետ համատեղ ասուլիսում, հայտարարել է Ռուսաստանի արտգործնախարար Սերգեյ Լավորվը` հավելելով, որ հուլիսյան սրացումից հետո ավելի ինտենսիվ բանակցությունները «չէին խանգարի»:
Մոսկվան փաստացի հասկացնում է, որ մերժում է Արցախը բանակցային գործընթաց վերադարձնելու պաշտոնական Երևանի պնդումը։ Սա առնվազն խոսում է այն մասին, որ անցած երկու տարիներին Նիկոլ Փաշինյանի թիմի ղարաբաղյան քաղաքականությունն այնքան էլ իրատեսական կամ արդյունավետ չի եղել, հակառակ պարագայում՝ մեր ռազմավարական դաշնակցի առանցքային պաշտոնյան գոնե հանդես չեր գա նման հրապարակային հայտարարություններով։