Հիշո՞ւմ եք բլոգեր Ալեքսեյին. նրան ձերբակալել են Խաբարովսկում՝ «Դուխով» վերնաշապիկը հագին (Video)
11:43 , 31 հուլիս, 2020Բլոգեր Ալեքսեյ Ռոմանովը, ով ուղիղ եթերում YouTube-ի իր ալիքով լուսաբանում էր նահանգապետ Սերգեյ Ֆուրգալի ձերբակալությունից հետո սկսված բողոքի ակցիաները, ձերբակալվել է Խաբարովսկում:
Ռոմանովը մեղադրվում է վարչական հոդվածով՝ հասարակական միջոցառումների անցկացման կանոնների խախտման համար, հայտնում է նրա փաստաբան Վիտալի Տուխտան:
2016թ.-ին Խաբարովսկի նախկին հեռուստահաղորդավար և լրագրող Ռոմանովը ստիպված էր լքել Ռուսաստանը և ընտանիքի հետ տեղափոխվել Վրաստան: Ըստ նրա՝ ինքը ստիպված էր դա անել իշխանությունների ճնշման պատճառով: 2019թ.-ին նա վերադարձել էր երկիր: