«Իրավական պետությունն ապականած հանցագործ քաղաքական իշխանությունն իրավունք չունի նույնիսկ դժգոհելու այդ աղջկա վերաբերմունքից»․ Արսեն Բաբայան

Դիտեցի ոստիկանության տարածած տեսանյութը, որտեղ անհարկի բերման ենթարկված աղջիկն ասում է, որ արհամարհած ունի օրենքը...

Իսկ ի՞նչ էիք ակնկալում այդ աղջկանից:

Քաղաքական իշխանությունը, բացահայտ արհամարհած ու թքած ունենալով Սահմանադրության և ողջ օրենսդրության վրա, մի՞թե այլ սպասելիք պիտի ունենար:

Այդ աղջկան քննադատելու իրավունք չունեն իշխանական այրերն ու նրանց աջակիցները: Այդ աղջկան կարող եմ քննադատել ես: Կարող եմ և դատապարտում եմ օրենքն արհամարհած ունեցող ցանկացած անձի, բայց կրկնում եմ՝ իրավական պետությունն ապականած հանցագործ քաղաքական իշխանությունն ու նրանց պաշտպանողներն իրավունք չունեն նույնիսկ դժգոհելու այդ աղջկա վերաբերմունքից: