ՀՀ պետական մարմիններում 20 ամսվա ընթացում պետբյուջեից վճարվել է ավելի քան 108 մլն դոլար պարգևավճար
11:36 , 13 մայիս, 2020Yerkir.am-ը գրում է․
Yerkir.am-ը պարբերաբար հրապարակել է ՀՀ պետական տարբեր մարմիններում տրված պարգևավճարների վերաբերյալ տեղեկատվություն, որոնց համար հիմք են հանդիսացել հարցումներին տրված գրավոր պաշտոնական պատասխանները:
Կից ներկայացնում ենք հաշվարկված և վճարված պարգևավճարների ամփոփ տարբերակը:
Այսպիսով, միջինը 20 ամսվա ընթացում, սկսած 09.05.2018 թվականից պետական բյուջեից վճարվել է ավելի քան 51 895 524 750 ՀՀ դրամ կամ 108 115 677 ԱՄՆ դոլար պարգևավճար, որի գերագշիռ մասը տրվել է 2019 թվականին:
Աղբյուրը նշում է նաև, որ Վայոց Ձորի մարզպետ Ա. Գրիգորյանի կողմից հարցումներին երկու անգամ չհիմնավորված պատասխաներ տալու և պարգևավճարների մասին տեղեկատվությունը օրենքով սահմանված կարգով չտրամադրելու պատճառով դիմել է ՀՀ ԱՆ անձնական տվյալների պաշտպանության գործակալությանը՝ պահանջելով, որպես իրավասու մարմին, վարչական վարույթ հարուցել պահանջված տեղեկատվությունը Վայոց Ձորի մարզպետի կողմից չտրամադրելու հիմքով:
