Վրաստանում կորոնավիրուսի հետևանքով 11-րդ մարդն է մահացել

Վրաստանում կորոնավիրուսային վարակի հետևանքով 11-րդ մարդն է մահացել: Այս մասին տեղեկացնում է pia.ge կայքը` հղում տալով երկրի կառավարության ներկայացրած տվյալներին:

Վերջին տվյալներով՝ Վրաստանում գրանցվել է կորոնավիրուսով վարակման 638 դեպք, վարակվածներից 317-ն ապաքինվել և դուրս է գրվել հիվանդանոցներից:

Վրաստանում առողջացածների թիվը գերազանցել է ակտիվ դեպքերի թիվը:

Նոր տեսակի կորոնավիրուսով վարակվածների թիվն ամբողջ աշխարհում 4 201 742 է, մահացել է 284 198 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 212 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին: