Իսպանիայի վարչապետի կնոջ մոտ կորոնավիրուս է հայտնաբերվել
16:56 , 15 մարտ, 2020Factor.am-ը գրում է․
Իսպանիայի վարչապետ Պեդրո Սանչեսի կնոջ՝ Մարիա Բեգոնա Գոմես Ֆերնանդեսի կորոնավիրուսի թեստը դրական արդյունք է ունեցել: Այս մասին հայտնում է Reuters-ը՝ հղում անելով Իսպանիայի վարչապետի աշխատակազմին։
Աղբյուրի փոխանցմամբ՝ վարչապետի և նրա տիկնոջ ինքնազգացողությունը լավ է, նրանք հետևում են առողջապահական մարմինների կողմից սահմանված կանխարգելիչ միջոցներին և շարունակում մնալ Մոնկլա պալատում, որը վարչապետի նստավայրն է:
Նշենք, որ վերջին տվյալներով Իսպանիայում կորոնավիրուսի վարակակիրների թիվը 6391 է, իսկ մահացություններինը՝ 196: