Պուտինը խոստովանել է, որ Թրամփին անունով է դիմում
21:15 , 11 մարտ, 2020ՌԴ նախագահ Վլադիմիր Պուտինը խոստովանել է, որ անունով է դիմում իր ամերիկացի գործընկեր Դոնալդ Թրամփին: Այս մասին նա պատմել է ՏԱՍՍ-ին տված հարցազրույցում՝ «20 հարց Վլադիմիր Պուտինին» նախագծի շրջանակում:
«Նա ինձ անվանում է Վլադիմիր, ես նրան՝ Դոնալդ»,- ասել է Պուտինը:
Պետության ղեկավարը դժվարացել է պատասխանել այն հարցին, թե ԱՄՆ նախագահներից ում հետ է առավել հարմարավետ եղել շփումը: Նա ուշադրություն է հրավիրել այն փաստի վրա, որ նա կառուցողական հարաբերություններ է ունեցել ԱՄՆ բոլոր առաջնորդների հետ (սկսած 2001 թ.-ից):
Պուտինը նշել է, որ «լավ հարաբերություններ» է ունեցել Միացյալ Նահանգների նախկին նախագահ Ջորջ Բուշ-կրտսերի հետ: