Լոնդոնում կորոնավիրուսը Facebook-ի գրասենյակների փակման պատճառ է դարձել
20:00 , 7 մարտ, 2020Facebook ընկերությունը որոշում է ընդունել փակել Լոնդոնի իր գրասենյակները նոր տիպի COVID-2019 կորոնավիրուսի համաճարակի պատճառով։ Այս մասին հաղորդում է Sky News-ը։
Համաձայն հրապարակված տվյալների՝ պատճառը ընկերության աշխատակիցներից մեկի կորոնավիրուսով վարակվելն է եղել։
Facebook-ի վարակված աշխատակիցը Սինգապուրի տարածքում ընկերության ներկայացուցչության աշխատողն է եղել, սակայն փետրվարին նա այցելել է լոնդոնյան գրասենյակներ։
Գրասենյակների տարածքներում ներկայումս ախտահանման աշխատանքներ են տարվում։