Օդի ջերմաստիճանը կնվազի 8-10 աստիճանով, սպասվում է բուք
10:48 , 24 փետրվար, 2020Հարգելի վարորդներ, ուշադրություն․ փետրվարի 25-ի ցերեկը, ցուրտ մթնոլորտային ճակատի ներխուժմամբ պայմանավորված, հանրապետության լեռնային և նախալեռնային բոլոր շրջաններում կտեղա ձյուն, առանձին հատվածներում սպասվում է նաև բուք։ Վաղը՝ երեկոյան ժամերից տեղումներն աստիճանաբար կդադարեն։
Օդի ջերմաստիճանը փետրվարի 25-ի ցերեկը և 26-ի գիշերը կնվազի 8-10 աստիճանով, որը կտևի ընդամենը 1 օր․ փետրվարի 27-ից սկսած օդի ջերմաստիճանը կրկին կսկսի բարձրանալ։