«Բազմակետերը ոտնաթաթերի վրա հեռացած բառերի հետքերն են». Վլադիմիր Նաբոկովի 15 հուսահատ և ռոմանտիկ մտքերը

Վլադիմիր Նաբոկովն աշխարհի իսկական քաղաքացի է, բառի վիրտուոզ և տարօրինակ ու թափանցող սիրային պատմությունների հեղինակ։ Նա գրում էր տղամարդկանց և կանանց հոգեբանության մասին։ Նա իր ողջ կյանքն ապրել է սիրելի կնոջ՝ Վերայի հետ։ Հետաքրքրվում էր թիթեռնիկների ուսումնասիրությամբ և անգամ բացահայտել է նրանց մի քանի տեսակներ, իսկ ոմանք էլ կրում են նրա անունը։

• Մարդկային կյանքի երեք մասից կազմված բարդ ֆորմուլան՝ անցյալի անվերադարձելիությունը, ներկայի անհագությունը և ապագայի անկանխատեսելիությունը։
• Կյանքը մեծ անակնկալ է. հնարավոր է, որ մահն ավելի մեծ անակնկալ լինի։
• Աստծո մոտ ոչ թե գիդով էքսկուրսիաներ են գնում, այլ միայնակ ճանապարհորդներ։
• Կյանքը լույսի թույլ ճեղք է երկու կատարյալ սև հավերժությունների միջև։
• Կան մարդիկ, որոնք ապրում են անմիջապես աչքերով, տեսողությամբ. մնացած բոլոր զգայարանները այս թագավորի հպատակներն են։
• Թշնամական քննադատության լավագույն արձագանքը ժպտալն ու մոռանալն է։
• Նա այն տպավորվող մարդկանցից էր, որոնք ուրիշների անհարմարությունից մինչև արցունքները կարմրում են։
• Պետք է տարբերել սենտիմենտալությունը զգացմունքայնությունից։ Սենտիմենտալ մարդն անձնական կյանքում շատ դաժան կարող է լինել։ Նուրբ, զգայուն մարդը երբեք դաժան չի լինում։
• Հիանալի մարդկային կարողություն. կարելի է չիմանալ, որ լավ արարք ես անում, սակայն չի կարելի չիմանալ, որ վատ արարք ես անում։
• Սպանել նրան, ինչպես ոմանք սպասում էին, ես, իհարկե, չէի կարող։ Ես սիրում էի նրան։ Սա սեր էր առաջին հայացքից, վերջին հայացքից, հավերժական հայացքից։
• Առաջին սիրո խիտ երջանկությունն անկրկնելի է։
• Բազմակետերը ոտնաթաթերի վրա հեռացած բառերի հետքերն են։
• Գրքերը, որոնք դուք սիրում եք, պետք է կարդալ հիացմունքից շնչակտուր լինելով։
• Հիշողությունը վերակենդանացնում է ամեն ինչ՝ բացի բույրերից, և փոխարենը ոչինչ այնքան լավ չի վերակենդանացնում անցյալը, որքան բույրը, որը երբևէ կապված է եղել նրա հետ։