Կարդում եմ հաղորդագրություններ՝ այսինչ ճանապարհը փակ է, այնինչ ուղղությունը վտանգավոր է և այլն։
Կարծում եմ՝ կարիք չկա լրացուցիչ մանրամասնելու, թե արևելքից և արևմուտքից թշնամական շրջափակման ու փաստացի պատերազմի մեջ գտնվող Հայաստանում ճանապարհները ռազմավարական և անվտանգային ինչպիսի առանձնահատուկ նշանակություն ունեն։
Հետևաբար Հայաստանի ճանապարհների արդիականացումը, հենց արդիականացումը, այլ ոչ թե միայն մի քանի հարյուր կիլոմետր ասֆալտապատումը կամ փոսալցումը, ըստ իս, պետք է հռչակվի համազգային նշանակության ծրագիր՝ դրանից բխող գործողությունների հստակ տրամաբանությամբ և ժամանակացույցով։