Մամեդյարովը ղարաբաղյան կարգավորման համար «կորսված տարի» է որակում 2019-ը
14:34 , 30 դեկտեմբեր, 2019Azatutyun.am-ը գրում է․
«2019 թվականը ղարաբաղյան կարգավորման համար կորսված հնարավորությունների տարի էր», - «Թուրան» գործակալության փոխանցմամբ՝ հայտարարել է Ադրբեջանի արտգործնախարար Էլմար Մամեդյարովը տեղական լրատվամիջոցների հետ զրույցում:
«Չնայած այն հանգամանքին, որ կայացավ նախագահների մեկ և արտգործնախարարների չորս հանդիպում, որևէ հստակ արդյունքների կողմերը այդպես էլ չկարողացան հանգել», - նշել է Մամեդյարովը:
Անդրադառնալով կարգավորման հետագա ընթացքին` Ադրբեջանի արտգործնախարարը նշել է. - «Մինչ օրս մշակված բոլոր փաստաթղթերում հստակեցվում են կարգավորման փուլային տարբերակին վերաբերող հարցերը, մեր գրավյալ տարածքների ազատագրման, ներքին տեղահանվածների վերադարձի խնդիրները և կարգավիճակի հստակեցումը, որ տեղի է ունենալու հետագա փուլերում: Այդ տարրերին ծանոթանալու համար հարկավոր է ընթերցել ԵԱՀԿ Մինսկի խմբի համանախագահների մարտի 9-ի հայտարարությունը»: