Մակրոնը խոստանում է հրաժարվել նախագահական կենսաթոշակից
14:01 , 23 դեկտեմբեր, 2019Azatutyun.am-ը գրում է.
Ֆրանսիայի նախագահ Էմանյուել Մակրոնը խոստացել է հրաժարվել իր հետագա նախագահական կենսաթոշակից՝ հօգուտ առաջարկվող կենսաթոշակային բարեփոխումներով նախատեսվող համընդհանուր համակարգի: Այս մասին երեկ հաղորդել է Ելիսեյան պալատը:
Մինչդեռ, կենսաթոշակային բարեփոխումների դեմ գործադուլը Ֆրանսիայում շարունակվում է արդեն մոտ երեք շաբաթ:
Նախկին նախագահների համար հատուկ կենսաթոշակային արտոնությունները երաշխավորվում են 1955 թվականի օրենքով, նախագահական կենսաթոշակը հավասար է գործող պետական խորհրդականի աշխատավարձին և ներկայումս տարեկան 75 հազար եվրո է կազմում:
Զանգվածային ցույցերը Ֆրանսիայում սկիզբ են առել դեկտեմբերի 5-ին՝ նախագահի կողմից փոփոխությունների առաջարկումից հետո, որոնք թոշակի անցնելու հավասար պայմաններ են ապահովում բոլոր ֆրանսիացիների համար՝ չեղարկելով մասնագիտական ավելի քան չորս տասնյակ խմբերի համար տարիներ առաջ ներդրված արտոնությունները: