Թխվելու ընթացքում խմորն ինքն իրեն շերտավորվում է, իսկ ուտելիս՝ հալչում բերանում․ ահա թե ինչ է անհրաժեշտ

Այս թխվածքի յուրօրինակությունն այն է, որ թխվելու ընթացքում խմորն ինքն իրեն շերտավորվում է, և ստացվում է նրբահամ թխվածք՝ նուրբ կրեմային միջուկով:

Բաղադրիչներ

• 4 հատ ձու,
• 115 գ ալյուր,
• 1 բաժակ ջուր,
• 2 բաժակ տաք կաթ,
• 125 գրամ կարագ,
• 1 բաժակ շաքարավազ,
• 1 թ/գ վանիլին։

Պատրաստման եղանակը

Առանձնացնել դեղնուցներն ու սպիտակուցները: Սպիտակուցին ավելացնել մի պտղունց աղ և հարել, մինչև պնդանա:

Կարագը հալեցնել և մի փոքր սառեցնել:

Ձվի դեղնուցները հարել, աստիճանաբար ավելացնել շաքարավազը և ջուրը: Շարունակելով հարել, ավելացնել հալեցրած կարագը և հարել, որ ստացվի համասեռ զանգված: Ավելացնել կաթը, ալյուրը, կրկին խառնել, այնուհետև զգուշությամբ ավելացնել հարած սպիտակուցը:

Ջեռոցի տապակը յուղապատել և թեթևակի ալյուր շաղ տալ: Լցնել խմորը և եփել մոտ 1 ժամ 180 աստիճանի տակ: Սառելուց հետո վրան շաքարի փոշի ցանել և մատուցել: