Ցանկացած փորձ՝ Նժդեհին ներկայացնելու որպես հակառուս եւ նացիզմի ջատագով, անթույլատրելի է

Ռուսաստանի Դաշնության Արմավիրի մարզի Դումայի պատգամավորներից մեկը (անունը միտումնավոր չեմ հիշատակում) ներկել է եկեղեցու բակում տեղադրված Գարեգին Նժդեհի հուշաքարը:

Այս վանդալիստական ակտը արդյունք է հականժդեհական պարանոյիկ քարոզի, որ վերջին շրջանում իրականացվում է մեր դաշնակից ու եղբայրական պետության որոշ շրջանակների կողմից:

Այս խուլիգանական արարքը դատապարտելի է, եւ կարծում եմ՝ նախեւառաջ պետք է դատապարտվի հենց Ռուսաստանի իշխանությունների կողմից: Ցանկացած փորձ՝ Նժդեհին ներկայացնելու որպես հակառուս եւ նացիզմի ջատագով, անթույլատրելի է եւ ստանալու է իր արժանի պատասխանը: