Yerkir.am-ը գրում է․
Իտալական Պարմայի շրջանի Բերչետո քաղաքի քաղաքային խորհուրդը Քուրդիստանի աշխատավորական կուսակցության առաջնորդ Աբդուլլահ Օջալանին արժանացրել է պատվավոր քաղաքացու կոչման: Կոչումը հանձնվել է Օջալանի փաստաբան Նևրոզ Ույսալին:
Թուրքիայի ԱԳՆ-ն արձագանքել է այս դեպքին. Անկարայում Իտալիայի դեսպան Մասսիմո Գայանին կանչվել է ԱԳՆ, որտեղ նրան ներկայացրել են Թուրքիայի մտահոգությունները. հաղորդում է demokrathaber.org կայքը:
Նշենք, որ Օջալանն 1999 թվականից ի վեր գտնվում է Իմրալը բանտում՝ մեկուսացված: Թուրքիայում ահաբեկիչ համարվող Օջալանին ձերբակալելուց հետո իշխանությունները փորձեցին մահապատժի ենթարկել, սակայն միջազգային ճնշման տակ Թուրքիայում մահապատիժը վերացվեց, իսկ Օջալանը դատապարտվեց ցմահ ազատազրկման: