Դեղնուցներն առանձնացնում ենք սպիտակուցներից: Դեղնուցներին դանակի ծայրով աղ ենք ավելացնում:
Լավ հարում ենք:
Ավելացնում ենք կաթ, հետո՝ ալյուր ու փխրեցուցիչ: Խառնում ենք, մինչև համասեռ դառնա:
Սպիտակուցները հարում ենք շաքարի հետ, մինչև սպիտակ փրփուրի վերածվի:
Սպիտակուցը զգուշորեն լցնում ենք խմորի մեջ: Ձեռքի հարիչի օգնությամբ դանդաղ շարժումներով հարում ենք:
Բուսայուղը կամ հալեցրած կարագն ավելացնում ենք խառնուրդին: Թեթևակի խառնում ենք:
Առանց հապաղելու թխում ենք տաքացրած տապակում առանց յուղի: Հենց նրբաբլիթի մակերեսին փուչիկներ հայտնվեն, կարելի է շրջել:
Ստացվում են փքուն, օդեղեն ու շատ համեղ փանքեյքներ:
Նշված քանակով բաղադրիչներից ստացվում է 10-12 նրբաբլիթ: