Առավոտյան փքաբլիթներ՝ նախաճաշի համար. հեշտ ու համեղ
20:45 , 1 հոկտեմբեր, 2019Բաղադրությունը
- Ալյուր 150 գրամ
- Կաթ 200 մլ
- 1 թեյի գդալ փխրեցուցիչ
- Մի պտղ. աղ
- Ձու 1 հատ
- 2 ճաշի գդալ շաքարի փոշի
- Բուսական յուղ 1 ճաշի գդալ
Պատրաստման եղանակը
Ալյուրը և աղը խառնել իրար:
Առանձին ամանի մեջ ձվի դեղնուցը, շաքարի փոշին, կաթը, փխրեցուցիչ և բուսական յուղը հարել, մինչև միատար զանգված ստանալը:
Այնուհետև ավելացնել այլուրը և լավ խառնել:
Ձվի սպիտակուցը հարել մինչև լավ փրփրելը, այնուհետև զգույշ ավելացնել խմորին:
Այնուհետև պատրաստի խմորը դնել սառնարանում մի քանի ժամ, որից հետո կարող եք պատրաստել պոնչիկները:
Կաթսան լցնել բուսայուղով` մոտ 3 սմ և թխել փքաբլիթներն ամեն կողմից մինչև ոսկե դարչնագունելը:
Թողնել սառչի, վրան շաքարի փոշի ցանել:
Պատրաստի փափուկ փքաբլիթներ մատուցել թեյի և Ձեր սիրելի մուրաբայի հետ: