Եգիպտոսի նախագահը Կահիրեի պատահարն ահաբեկչական գործողություն է անվանել

Yerkir.am-ը գրում  է.

Եգիպտոսի նախագահ Աբդելֆաթահ ալ Սիսի Կահիրեի Քաղցկեղի ազգային ինստիտուտի մերձակայքում ավտովթարի հետեւանքով տեղի ունեցած պայթյունն ահաբեկչական գործողություն է անվանել. տեղեկացնում է BBC-ն:

Ալ Սիսին այդ մասին գրառում է կատարել Twitter-ի իր միկրոբլոգում՝ շեշտելով, որ Եգիպտոսը վճռականորեն է տրամադրւած ահաբեկչության դեմ պայքարի եւ այն ոչնչացնելու գործում:

Երկրի ներքին գործերի նախարարն էլ նշել է, որ հարձակումը իրագործել է «Մուսուլման եղբայրների» հետ կապված «Հասմ շարժում» ահաբեկչական խմբավորումը: Հատկանշական է, որ դեպքից անմիջապես հետո, նախարարությունը բացառել էր ահաբեկչական գործողության տարբերակը:

Հիշեցնենք, որ նախօրեին Կահիրէի կենտրոնում գտնվող Քաղցկեղի ազգային ինստիտուտի մերձակայքում տեղի ունեցած պայթյունի հետեւանքով զոհվել է 20 մարդ, վիրավորվել՝ 47-ը:

Պայթյունը որոտացել է Քաղցկեղի ազգային ինստիտուտի մերձակայքում գտնվող ճանապարհին՝ ավտովթարի պատճառով: Հրապարակած լուսանկարներում պարզորոշ երեւում է երկու այրված մեքենա, որոնցից մեկը պայթյունի ուժգնությունից միանգամայն ջարդուփշուր է եղել: