Թուրքիան «Խաղաղության միջանցք» կկառուցի Սիրիայի սահմանին

Yerkir.am-ը գրում է.

Թուրքիայի նախագահ Ռեջեփ Թայիփ Էրդողանի ղեկավարությամբ կայացած` երկրի Ազգային անվտանգության խորհրդի նիստից հետո արված հայտարարության մեջ նշվում է, որ Թուրքիան պատրաստվում է աշխատանքներ տանել Սիրիայի սահմանին «Խաղաղության միջանցք» ստեղծելու ուղղությամբ. հաղորդում է Euronews-ի թուրքական ծառայությունը:

Անկարայում գտնվող նախագահականում մոտ 6 ժամ տևած նիստից հետո հրապարակված հայտարարության մեջ նշվում է, որ Սիրիայի սահմանի ամբողջ երկայնքով ստեղծված «դատարկությունը» Թուրքիայի համար վտանգ է, և սահմանային անվտանգության նպատակով պատրաստվում են շրջանը մաքրել ահաբեկչական տարրերից: «Մենք հաստատել ենք մեր վճռականությունը «Խաղաղության միջանցքի» համար մեր ամբողջ ջանքը գործադրելու հարցում»,- նշված է հայտարարության մեջ: