Բանջարեղենը մանր կտրատում ենք: Բուսայուղով տաքացրած թավայի մեջ ենք լցնում կտրատված սոխը և տապակում 5 րոպե, ապա ավելացնում ենք տաքդեղը, տապակում այդպես ևս 3 րոպե: Վերջում ավելացնում ենք դդմիկը և տապակում 5 րոպե:
Մինչ տապակվում են բանջարեղենները, քերում ենք պանիրը:
Ջեռոցի տապակի հատակը պատում ենք տոմատի մածուկով, վրան շարում լազանյայի շերտերը:
Կրկին քսում ենք տոմատի մածուկ, ապա լցնում տապակված բանջարեղենները, վրան շաղ տալիս քերած պանիրը:
Կրկնում ենք նույնը ևս 1-2 անգամ՝ կախված, թե ինչ մեծության կլինի Ձեր տապակը: Ուտեստի վրա շաղ ենք տալիս ռեհանի տերևները:
Եփում ենք ջեռոցում 40-50 րոպե 180 աստիճանում: