«Եվրատեսիլի» արդյունքները վերահաշվարկել են

Իսրայելի Թել Ավիվ քաղաքում անցկացված «Եվրատեսիլ 2019» երգի միջազգային մրցույթի կազմակերպիչները եզրափակիչ քվեարկության արդյունքների վերահաշվարկ են կատարել:

Ինչպես հաղորդում է Gazeta.ru-ն, միավորների վերահաշվարկն իրականացվել է եզրափակչում դրանց սխալ հաշվարկման պատճառով:

Նշվում է, որ առաջատարների եռյակն անփոփոխ է մնացել: Միևնույն ժամանակ կազմակերպիչներն ընդգծել են, որ թույլ տրված սխալը պայմանավորված էր մարդկային գործոնով:

Հիշեցնենք, որ «Եվրատեսիլ 2019»–ում հաղթել է Նիդեռլանդների ներկայացուցիչ Դանքան Լոուրենսը` Arcade երգով։