Եթե մակարոնեղենի սիրահար եք, ապա տնական լապշայի այս համեղ բաղադրատոմսը ձեզ համար է

Պատրաստման եղանակը

Ձուն ջրի ու աղի հետ հարում ենք: Աստիճանաբար ավելացնում ենք ալյուրը և խառնում:

Հենց որ խմորը խառնելն արդեն դժվարանում է, լցնում ենք սեղանին ու հունցում:
Ստացված խմորը պետք է պելմենու խմորից փափուկ լինի, իսկ եթե ձիգ լինի, բարակ գրտնակելը կդժվարանա: Լավ հունցում ենք, ծածկում ենք և թողնում՝ հանգստանա 20 րոպե: Հետո խմորը բաժանում ենք 4-6 մասի, յուրաքանչյուրը բարակ գրտնակում թավայի չափսով:

Հավասար կտրում ենք:

Խմորը փաթաթում ենք գրտնակի վրա, որպեսզի թավայի մեջ տեղափոխելը հեշտ լինի:

Չոր թավան դնում ենք մարմանդ կրակին և խմորը տարածում մեջը: Խմորն անմիջապես սկսում է գունատվել:

Շրջում ենք:

Վերցնում ենք թավայի միջից: Պետք է հետևել, որ թավան շատ չտաքանա, որպեսզի խմորի շերտը չայրվի ու չշերտազատվի: Տաքացրած շերտերի վրայից վրձնով մաքրում ենք ավելորդ ալյուրը:

Շերտերը դարսում ենք իրար վրա, դանակով կիսում, հետո կիսած կտորները նորից կիսում: Ստացվում են 5-6 սմ լայնությամբ շերտեր:

Շերտերը սուր դանակով լայնակի կտրում ենք: Եփելիս լապշան զգալիորեն մեծանում է, ուստի պետք է շատ բարակ կտրատել:

Ստացված լապշան բավականացնում է 3-4 անգամ ապուր եփելու համար: Լապշան բարակ շերտով փռում ենք, չորացնում, հավաքում ու պահում:

Տնական լապշա պատրաստելու այս բաղադրատոմսի գաղտնիքն այն էր, որ կտրատելուց առաջ այն թավայի մեջ չորացնում ենք: Ի դեպ, այս նույն շերտերով կարելի է նաև լազանյա պատրաստել։