Ֆրանսիայի կառավարությունը պատրաստվում է կտրուկ կերպով կրճատել հարկերը
16:50 , 8 ապրիլ, 2019Azatutyun.am-ը գրում է.
Ֆրանսիայում առկա սոցիալական լարվածությունը նվազեցնելու լավագույն միջոցը հարկերի հետագա կրճատումն է: Ֆրանսիայի վարչապետ Էդուարդ Ֆիլիպի համոզմամբ, այդ քայլը հնարավորություն կտա խուսափել այն լայնածավալ բողոքի ակցիաներից, որոնց ականատեսն էր դարձել երկիրը վերջին մի քանի ամիսներին:
«Մենք կրճատել են սոցիալական վճարները, անշարժ գույքի վրա սահմանված հարկերը, կորպորատաիվ հարկերը: Կասկած չկա, որ մենք դա ոչ բավարար ծավալի ենք արել, ոչ այնքան հստակ ու արագ: Վերջին ամիսներին ծավալված համազգային քննարկումը հստակորեն նախանշեց այն ուղին, որով մենք պետք է շարժվենք հետագայում` հարկավոր է կրճատել հարկերը և դա անել հնարավորինս արագ», - նշել է Ֆրանսիայի վարչապետը: