Եվրախորհրդարանը առաջարկում է չեղարկել պարտադիր «ամառային» ժամանակի անցումը
22:30 , 26 մարտ, 2019Azatutyun.am-ը գրում է.
Եվրախորհրդարանը հավանություն տվեց օրենքին, որն առաջարկում է չեղարկել պարտադիր «ամառային» ժամանակի անցումը:
2021 թվականից Եվրամիության անդամ երկրները կարող են ինքնուրույն որոշել ժամացույցի սլաքները ետ ու առաջ տանելու անհրաժեշտությունը:
Գործող կարգի համաձայն Եվրամիության անդամ երկրները մարտ ամսվա վերջին կիրակի օրը անցնում են ամառային ժամանակի, իսկ հոկտեմբերի վերջին կիրակի օրը՝ ձմեռայինի:
Եվրոպայում այդ հարցով հանրային լսումներ են անցկացվել, հարցվածների 84 տոկոսը դեմ է սլաքների տեղափոխությանը: