Մոգերինի. Առաջիկա շաբաթներին Ռուսաստանի դեմ նոր պատժամիջոցներ կսահմանվեն
21:30 , 18 փետրվար, 2019Azatutyun.am-ը գրում է.
Առաջիկա երկու շաբաթներին Եվրամիությունը կարող է նոր պատժամիջոցներ սահմանել Ռուսաստանի հանդեպ` Ազովի ծովում ցուցաբերած ագրեսիվ պահվածքի համար:
Այս մասին այսօր Բրյուսելում հայտարարել է ԵՄ անվտանգության և արտաքին հարաբերությունների գծով բարձրագույն ներկայացուցիչ Ֆեդերիկա Մոգերինին:
Նրա խոսքով, պատժամիջոցների նպատակը Ռուսաստանի քաղաքականության փոփոխությանը հասնելն է․ - «Առայժմ, սակայն, մենք Ռուսաստանի գործողություններում որևէ փոփոխություն չենք նկատում»: