Սամվել Մկրտչյանը նշանակվել է Լեհաստանում ՀՀ դեսպան, իսկ Վահագն Աթաբեկյանը՝ Լիբանանում
18:10 , 13 նոյեմբեր, 2018Հայաստանի Հանրապետության նախագահ Արմեն Սարգսյանը հրամանագիր է ստորագրել Սամվել Մկրտչյանին Լեհաստանում Հայաստանի Հանրապետության դեսպան նշանակելու մասին:
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի՝ Սամվել Մկրտչյանին նշանակել Լեհաստանի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վարշավա)»,- ասված է ՀՀ նախագհի հրամանագրում:
Մեկ այլ հրամանագրի համաձայն էլ Հայաստանի Հանրապետության նախագահ Արմեն Սարգսյանը հրամանագիր է ստորագրել Սամվել Մկրտչյանին Լիբանանում ՀՀ արտակարգ և լիազոր դեսպանի պաշտոնից հետ կանչելու մասին և Լիբանանում ՀՀ արտակարգ և լիազոր դեսպան նշանակել Վահագն Աթաբեկյանին: