Արցախի ժողովուրդն ապացուցել է իր ինքնիշխանության իրավունքը. Վլադիմիր Զախարով
17:20 , 2 սեպտեմբեր, 2018Artsakhpress.am-ը գրում է.
Անցած 27 տարիների գոյության ընթացքում Արցախի ժողովուրդն ապացուցել է իր պատմական էությունը և ինքնիշխանության իրավունքը:
Այս մասին «Արցախպրես»-ի թղթակցի հետ զրույցում ասել է «Սևծովյան և Կասպից տարածաշրջանի քաղաքական և սոցիալական հետազոտությունների ինստիտուտ»-ի տնօրեն Վլադիմիր Զախարովը և ընդգծել, որ, իր կարծիքով, Արցախի անկախությունն առաջինը պետք է ճանաչի Հայաստանի Հանրապետությունը:
«ՀՀ նախկին նախագահ Սերժ Սարգսյանին գրած նամակներում ես պարբերաբար հորդորում էի ճանաչել Արցախի անկախությունը: Ցավոք, Ռուսաստանը Ղարաբաղի հետ ընդհանուր սահման չունի, այլապես այլ կլիներ Մոսկվայի վերաբերմունքը: Այս հարցում, կարծում եմ, ՀՀ նոր իշխանությունները պետք է գործնական որոշում կայացնեն»,- ավելացրել է Վ. Զախարովը:
Անդրադառնալով անկախության տոնին՝ նա նշել է, որ ուրախ է այսօր գտնվել Արցախում և տեսնել, թե ինչպես են մարդիկ մասնակցում տոնական միջոցառումներին: