«Առավոտ». Մալաթիայում դեղատների բիզնեսի կատաղի պայքար է

«Դեղատների բիզնեսում կատաղի պայքար է. Մալաթիա համայնքում, ինչպես բնակիչներն են ասում՝ Բանգլադեշում, Անդրանիկի փողոցում ընդամենը 150-200 մետրի վրա 12 դեղատուն է գործում:

 

Այստեղ որոշ դեղատների միջև ընկած տարածությունը հազիվ 30 կամ 50 մետր է:

 

Կարելի է ենթադրել, որ Բանգլադեշի բնակիչները վատառողջ են ու դեղերի մեծ պահանջարկ կա, որ կողք կողքի այսքան դեղատներ կան:

 

Դեղերի բիզնեսով զբաղվող մեր աղբյուրը բացահայտեց գաղտնիքը. դեղատան բիզնեսով զբաղվողները՝ հիմնականում մեծ փողեր ունեցողները, իրենց մրցակիցներին «ճանապարհից մաքրելու» համար մրցակից դեղատան հենց «քթի տակ» կրկին դեղատուն են բացում, և եթե անգամ վնասով են աշխատում, դա հետագա շահույթի համար է:

 

Մրցակցին վերացնելու համար դեղատան բիզնեսով զբաղվողները վաղուց գործող դեղատան տարածքը գնում են 4-5 անգամ թանկ գներով, որպեսզի մրցակցին տարածքից հանեն»,-գրում է թերթը:

 

Նյութն ամբողջությամբ կարդացեք թերթի այսօրվա համարում: