Հարկերի հավաքագրման 15 մլրդ դրամի «ռազգոնը»
15:55 , 23 մարտ, 2017
Հայաստանը հունվար և փետրվար ամիսներին գերակատարել է հարկերի հավաքագրումը: Ուշագրավ է, որ գերակատարումը վերաբերում է և՛ ծրագրած ցուցանիշների նկատմամբ, և՛ նախորդ տարվա նույն ժամանակահատվածի նկատմամբ:
Հարկերի տարեկան 1 տրլ 135 մլրդ ցուցանիշն ապահովվելու համար նախատեսված է եղել հունվարին հավաքագրել 77.6 մլրդ դրամ հարկ: Արդյունքում նախատեսված ցուցանիշից շուրջ 3 մլրդ դրամով ավելի է հավաքագրել, ինչը խոսում է այն մասին, որ դրական զարգացումներ կան նաև հարկահավաքման ոլորտում: Նույն միտումը դրսևորվել է նաև փետրվար ամսին, երբ նախատեսված 80 մլրդ դրամի փոխարեն հավաքագրվել է 83.6 մլրդ դրամ: Նշենք, որ մարտին ևս ակնկալվում է, որ հարկերի հավաքագրումը ևս ծրագրվածից ավելի կլինի:
Այսպես՝ 2017 թվականի առաջին երկու ամիսները նախորդ տարվա նույն ժամանակահատվածի հետ համադրելու դեպքում կստանանք շուրջ 15 մլրդ դրամի հարկերի հավաքագրման աճ: