Գինարտադրության հաջողակ հունվարը. արձանագրվել է 40% աճ
20:00 , 8 մարտ, 2017
Ռուսաստանի շուկայում վերջին մեկ տարվա ընթացքում արձանագրված իրացման պայմանների բարելավումը նպաստավոր ազդեցություն է թողել հայկական մի շարք ապրանքների արտադրության և արտահանման վրա։
Դրական փոփոխությունները առավել նկատելի են մշակող արդյունաբերության ոլորտում, որտեղ տարեսկզբին արձանագրվել է արտադրության ծավալների աճ, որը գերազանցել է 19 տոկոսը։
Նախորդ տարվա ընթացքում ռուսական շուկայում տեղի ունեցած առաջընթացը նպաստել է հայկական արտադրանքների արտահանման ծավալների ավելացմանը:
Նախորդ տարվա սկզբի համեմատ հունվարին հայկական կոնյակի արտադրությունը գրեթե եռապատկվել է։ 2016թ. 637 հազար լիտրի դիմաց արտադրվել է 1 մլն 831 հազար լիտր կոնյակ։ Շուրջ 40 տոկոսով աճել է նաև գինու արտադրությունը։