Սիրիայում իրավիճակը մնում է լարված. այնտեղ մնացած հայերի մի մասը չի ուզում լքել իր տունը
11:16 , 10 հոկտեմբեր, 2016
Սիրիայում իրավիճակը մնում է լարված։ Այնտեղ մնացած հայերի մի մասը չի ուզում լքել իր տունը, մի մասն էլ ուզում է տեղափոխվել։ Կարծում եմ՝ նրանց պետք է օգնենք տեղափոխվեն Հայաստան։ Ապրիլին մենք կարողացանք ինքնակազմակերպվել, հիմա էլ նույնը պետք է անենք։ Առաջարկում եմ մի ճանապարհ․Յուրաքանչյուր համայնք (գյուղ, քաղաք) պետք է հայտարարի, թե ինքը քանի ընտանիք կարող է տեղավորել իր համայնքում։ Խոսքը նախ և առաջ նրանց կացարանով ապահովելու մասին է։ Յուրաքանչյուր համայնքում կան ավագանիներ, նրանք պետք է հավաքվեն և որոշեն, թե իրենց համայնքը քանի ընտանիք կարող է ընդունել։ Համոզված եմ՝ Ղարաբաղի համայնքները նույնպես կմասնակցեն այս նախաձեռնությանը։