Ինձ համար այնքան էլ հիասթափեցնող չեն արդյունքները. Ս. Սաֆարյան

01:39 , 3 հոկտեմբեր, 2016
Քաղաքական մասնակցությունից ու մրցակցությունից բան են փոխվում. անկախ իր ցանկությունից՝ ՀՀԿ-ն իշխանությունը ստիպված է կիսել ամենատարբեր դերակատարների հետ: Փաստը սա է: Իսկ դա լավ է, դա մեկ կուսակցության քաղաքական մենաշնորհի ավարտի սկիզբն է: Ժողովրդավարութունը հաճախ են նույնացնում թղթախաղի հետ. եթե խաղացողները երկուսն են, խաղը վերահսկելը հեշտ է, ու գիտես, թե դիմացինի ձեռքը ինչ խաղաքարտեր կան: Եթե խաղացողները շատ են, խաղը բարդանում է, խաղի ելքի կանխատեսելիությունը` նույնպես: Այնպես որ ինձ համար այնքան էլ հիասթափեցնող չեն արդյունքները: Իհարկե, կուզենայի այլ արդյունքներ տեսնել: Ամեն ինչ դեռ նոր է սկսվում: