Ադրբեջանը ջուրը լցրեց ԱՄՆ-ի և Եվրոպայի տարիների աշխատանքը

Գաղտնիք չէ, որ ԱՄՆն ու Եվրոպան մեծ ջանքեր էին գործադրում` փորձելով երկխոսություն հաստատել Հայաստան-Ադրբեջան, Հայաստան-Թուրքիա հասարակությունների ֆորմատով: Նրանք գիտակցում էին, որ խաղաղությանը պետք է պատրաստ լինեն ժողովուրդները: 

Բայց հայկական բանակի զինվորների գլխատումը ու հատկապես սովորական ադրբեջանցիների կողմից այդ փաստով հրճվելն ու ծափահարելը, հիմնովին ջնջեց մինչ այդ գործադրված բոլոր ջանքերը:
Եթե ԱՄՆն ու Եվրոպան, տեսնելով ռամիլ սաֆարովի հերոսացումը Ադրբեջանում ու նրան որպես օրինակելի` սերունդներին մատուցվող քարոզը, մատը մատին չխփեցին, ապա ընդամենը մաղով ջուր էին կրում: Ադրբեջանական բանակի վերջին հրեշավոր արարքները նույնպես մինչ օրս պատշաճ արձագանք չեն ստացել: