Թուրքիան Ուկրաինային 50 մլն դոլարի չափով վարկ կտրամադրի
18:02 , 15 փետրվար, 2016
Replik.am-ը գրում է.
Ինչպես հաղորդում են արտասահմանյան ԶԼՄ-ները, Թուրքիան Ուկրաինային 5 տարի ժամկետով 50 մլն դոլարի չափով վարկ կտրամադրի:
Համաձայնությունը ստորագրել են Ուկրաինայի ֆինանսների նախարար Նատալյա Յարեսկոն և Թուրքիայի էկոնոմիկայի նախարար Մուստաֆա Էլիթաշը։
Վարկի տոկոսադրույքը կազմում է տարեկան 2.5 տոկոս։ Յարեսկոյի խոսքով՝ վարկը G20 երկրների կողմից Ուկրաինային ցուցաբերած օգնության քայլերից մեկն է։
Ենթադրվում է, որ միջոցները կտրամադրվեն ընթացիկ տարվա առաջին կամ երկրորդ եռամսյակի ընթացքում։ Գումարն ուղղվելու է պետական բյուջեի ընդհանուր ֆոնդ՝ ընդհանուր ծախսերի ֆինանսավորման համար։