Հախվերդյանի հավեսն ու ձեր քեֆ-ուրախությունը

«Նոր Հայաստան» հանրային փրկության ճակատն Ազատության հրապարակում համերգ էր կազմակերպել: Հայտնի էր, որ երգելու է նաև Ռուբեն Հախվերդյանը: Հեղինակ-կատարողը եկավ, ներողություն խնդրեց, ասաց, որ չի նվագի ու չի երգի` ձեռքն է վնասել: Ազատության հրապարակում հանդիսատեսը շատ չէր, բայց հիասթափությունը բավականին մեծ էր: Տեսնես՝ քանիսն էր գնացել հանուն «Նոր Հայաստանի» ու քանիսը` Հախվերդյանի անկրկնելի երգերը լսելու: 
Հետո Հախվերդյանի խոսքից մի բան հասկացվեց. նա մի տեսակ անհավես էր:
Բաղրամյանի ցույցերի ընթացքում էլ նախատեսված էր Հախվերդյանի համերգը, այդ մասին Խզմալյանն էր հայտարարել, բայց երեկոյան պարզվեց, որ երգահանի համերգը չի կայանա: 
Հախվերդյանն անկանխատեսելի է. առավոտյան կարող է ասել, որ պատրաստվում է համերգ ունենալ բազմաթիվ դժգոհ քաղաքացիների համար, իսկ երեկոյան լավագույն դեպքում գնալ ու ավելի մեծացնել այդ մարդկանց դժգոհությունը: