Թուրքիայում ԻՊ-ի հետ կապ ունենալու կասկածանքով 30 մարդ է ձերբակալվել


12:50 , 27 հոկտեմբեր, 2015

Replik.am-ը գրում է.

Թուրքիայի ոստիկանությունը ձերբակալել է 30 մարդու, ովքեր կասկածվում են «Իսլամական պետություն» ահաբեկչական խմբավորման հետ կապեր ունենալու մեջ: Ինչպես գրում են տեղի ԶԼՄ-ները վերջիններս ձերբակալվել են երկրի կենտրոնական մասում անցկացված հակաահաբեկչական օպերացիայի արդյունքում:

Նշենք, որ երեկ Թուրքիայում երկու ոստիկան էր սպանվել երկրի հարավ-արևելյան մասում ԻՊ-ի գրոհայինների հետ տեղի ունեցած փոխհրաձգության արդյունքում: Բախումը տեղի էր ունեցել Դիարբեքիրում, որտեղ ուժայինները հերթական օպերացիան էին անցկացնում: