Ձերբակալություններ Նեպալում՝ թալանի և նոր երկրաշարժի մասին շշուկներ տարածելու համար
15:12 , 29 ապրիլ, 2015
1in.am-ը գրում է.
Նեպալում 4 մարդ է ձերբակալվել նոր հզոր երկրաշարժի մասին շշուկներ տարածելու համար։ Այս մասին հայտնում է Associated Press-ը՝ հղում անելով տեղի ոստիկանության ներկայացուցչին։
Հաղորդվում է, որ ձերբակալվածները ստահոդ լուրեր են տարածել սոցցանցերով ու տեքստային հաղորդագրություններով՝ խուճապ առաջացնելով բնակչության շարքում։
Եվս 27 մարդ ձերբակալվել է թալանի համար։ Ոստիկանության տվյալներով՝ նրանք կողոպտել են տները, որոնք երկրաշարժից հետո լքվել էին բնակիչների կողմից։